| لائی لگ کدی یار، نی جے ہوندا |
| اے کسے دا وفادار ، نی جے ہوندا |
| ۔ |
| جیڑا بندا ہووے، منہ پھٹ سجنو |
| عیب کجن دار ، نی جے ہوندا |
| ۔ |
| جیڑے بوٹے نوں میاں ، وٹّے نہ پین |
| اوہ فیر پھلدار، نی جے ہوندا |
| ۔ |
| دکھ دی انھیری, اونوں پن سڑدی |
| ڈالا جو لچکدار ، نی جے ہوندا |
| ۔ |
| جیڑا ماں باپ دا ، بے ادب سجنو! |
| خُلد دا حقدار ، نی جے ہوندا |
| ۔ |
| اصلوں فیض لبّھے ، نقلی پُھل |
| کدی وی مہکدار ، نی جے ہوندا |
| ۔ |
| ہووے پیار سچا ، تے فیر سجنو ! |
| عزتاں دا بپار ، نی جے ہوندا |
| ۔ |
| محبوباں نال ، ابنِ نازؔ کوئی |
| کذب قول قرار ، نی جے ہوندا |
معلومات