| میں اُس کے دَر سے لوٹنے کے مخمصے میں تھا |
| شب تابِ چشمِ یار تھا جو واسطے میں تھا |
| منظر پلٹ کے آنکھ سے باہر نہ جاسکا |
| جادو نگاہِ یار کے اُس حاشیے میں تھا |
| بِکھرے ہوئے خیال کو ترتیب مِل گئی |
| مِلنا تِرا شمار مگر حادثے میں تھا |
| مجھکو کسی کے درد نے چونکا دیا کہ آج |
| حُزنِ بیاں بھی یار کسی قہقہے میں تھا |
| نِکلا نہ میری آنکھ کی پُتلی سے آج بھی |
| وہ دُور جا چکا تھا مگر دائرے میں تھا |
| میں زندگی کو چھوڑ کے اُس پار, آگیا |
| تُجھ دلربا کا نام مرے زائچے میں تھا |
| ممکن نہیں ہے لوٹنا اے رفتگاں مگر |
| اک لُطف عہدِ زیست تھا کہ ذائقے میں تھا |
| عاطف جاوید عاطف |
معلومات