جب جوش میں خدا کا غیظ و جلال ہو گا |
پیارے نبی کو اس دم سب کا خیال ہو گا |
محشر میں عاصیوں کو ان کے وسیلے سے پھر |
حاصل کریم رب کا فضلِ کمال ہو گا |
لمحات گزرے سارے دنیا میں سہو کے جو |
اس دن اے میرے ہمدم اس کا ملال ہو گا |
لیکن یہ کہہ سکیں گے الفت حبیب کی ہے |
میزان پر عمل کا جب بھی سوال ہو گا |
ہر آنکھ دیکھ لے گی ان کی عطا کے جلوے |
جب آشکار اس جا ان کا جمال ہو گا |
چادر وہ بخششوں کی ڈالیں گے عاصیوں پر |
احسان یہ نبی کا اپنی مثال ہو گا |
نیچے نبی کے جھنڈے آئیں گے امتی پھر |
سب کی نظر میں ان کا دستِ نوال ہو گا |
محمود ان کے درجے میدان دیکھ لے گا |
فردوس جن کے صدقے ہم پر حلال ہو گا |
معلومات