| پیارے آقا دی غلامی دا اظہار کریئے |
| تعلق مصطفیٰ دے نال پا ئیدار کریئے |
| غلامِ مصطفی بن کے سجا اپنا اے جیون تُو |
| وفاداری نبھاون دا دلوں اقرار کریئے |
| زکوٰۃِ عشق دے تیرا اے تن من پاک ہو جاۓ |
| فروغِ عشق نال اپنی روح بیدار کریئے |
| مدینے دے سفر دی آرزو پوری خدا کر سی |
| مدینے دی محبت دا دلوں پرچار کریئے |
| او بندے رب نوں لگدے نے قسم رب دی بڑے پیارے |
| فدا اس ذات توں تن من ہزاراں وار کریئے |
| عتیق! اپنی لحد وچ روشنی جے کر تو کرنی اے |
| نبی دے دین دا خود نوں وی تابعدار کریئے |
معلومات