| بتا چھن چھن چھنا چھن چھن کا مطلب |
| سمجھ آیا نہ اب تک من کا مطلب |
| سلجھنا ہی نہیں یہ مسئلہ جب |
| تو پھر اس بے وجہ الجھن کا مطلب؟ |
| بڑے شاعر بہت بے بحر دیکھے |
| کہو فنکار کا، کیا فن کا مطلب؟ |
| ہمیں دیوار سے اس نے لگایا |
| اٹھایا نفع بھولے پن کا، مطلب |
| ہوئے شاعر بھی دولت کے پجاری |
| کھلا ہے اب کہیں جا، دھن کا مطلب |
| کوئی جوگی سے سیدھے منہ نہ بولے |
| کہ ڈیرہ چھوڑ دے جوگن کا، مطلب |
| سرابوں میں کہیں مخفی ہے حسرتؔ |
| بیاباں دشت کا اور بن کا مطلب |
| رشید حسرتؔ، کوئٹہ |
| ۱۳ اپریل، ۲۰۲۶ |
معلومات