| رِسالت کا شَہْکار صدیقِ اکبرؓ |
| صَداقت کا مِعْیار صدیقِ اکبرؓ |
| اَنیسِ مُحمدؐ وہ ایماں مِیں جَیِّد |
| خُدا کا پَرَسْتار صدیقِ اکبرؓ |
| وہ صاحِب ہُوا ہے وَہی ثَانِىَ اثۡنَيۡن |
| کہیں جس کو سرکارؐ, صدیقِ اکبرؓ |
| سَراپا مُحَبَّت وہ پیکِ عَقیدت |
| نَبیؐ کا فِدا کار صدیقِ اکبرؓ |
| فَنا فی الرِسالت رَفیقِ نُبُوَّت |
| پَیَمْبَرؐ کا حُب دار صدیقِ اکبرؓ |
| جو قُربان اپنی کَرے پُونجی ساری |
| ہے ایسا جِگر دار صدیقِ اکبرؓ |
| وہ اب بھی مَزارِ مُقَدَّس مِیں ہے ساتھ |
| نَبیؐ کا وَفادار صدیقِ اکبرؓ |
| وہ جھوٹے ہیں شاہدؔ اِسے جو نہ مانیں |
| ہے سَچّوں کا سردار صدیقِ اکبرؓ |
| پھر اُس کی زَباں سچ ہی بولے گی شاہدؔ |
| پُکارے جو اِک بار, صدیقِ اکبرؓ |
معلومات