| شکوؤں کی گٹھری کھول کے بیٹھا تھا آج میں |
| ترازو کے اک پلڑے میں |
| اس کی جفائیں رکھیں، بے رخی، جھوٹے وعدے رکھے |
| اور سوچا، آج حساب پورا برابر ہوگا! |
| پھر یونہی، ذرا سی نظر جو اٹھی تو سامنے |
| دیوار پر لٹکے پرانے سے آئینے میں |
| اپنا ہی چہرہ دکھائی دے گیا! |
| یاد آیا— |
| کئی دروازوں پہ دستک سنی تھی، مگر میں نے کھولا نہیں |
| کئی ہاتھوں کی گرمی کو میں نے بھی آدھا سا چھوڑا تھا |
| کئی راتوں کی خاموشی میں |
| کسی کی آنکھ کے آنسو بھی ان دیکھے کیے تھے! |
| شکوہ بجا سہی، اس نے اچھا نہیں کیا— |
| مگر سچ پوچھیے تو |
| مرے پروں پہ بھی کہاں چاندنی لگی ہے؟ |
| کون سا میں کوئی فرشتہ ہوں! |
معلومات