| رتبہ خلق میں اعلیٰ سرکار مصطفیٰ کا |
| تاباں ہے مہر سے بھی کردار مصطفیٰ کا |
| کل امتوں کے شافی پیارے حبیبِ رب ہیں |
| کیا دان ہے عوامی دلدار مصطفیٰ کا |
| راضی خدا کرے گا قرآن میں ہے آیا |
| توصیف گر ہے ہر دم جبار مصطفیٰ کا |
| جس دن نہ رشتہ کوئی تیری مدد کرے گا |
| ناطہ بچائے گا پھر مختار مصطفیٰ کا |
| درماں ہے یاد تیری ہر حال میں اے آقا |
| مانگے نظر کرم کی بیمار مصطفیٰ کا |
| آنکھیں ترس رہی ہیں اور آرزو ہے دل میں |
| کب دیکھے گا یہ عاصی دربار مصطفیٰ کا |
| محمود راہِ حق بھی آیا نبی کے در سے |
| دیتا خبر ہے جس کی گھر بار مصطفیٰ کا |
معلومات