| موسم گل میں حسیں گیت سنانا دل کا |
| یاد آتا ہے بہت ہم کو زمانہ دل کا |
| روک پائے گا بھلا کیسے تو آنا دل کا |
| سخت مشکل ہے حسینوں سے بچانا دل کا |
| وہ محبت کی شروعات کی باتیں توبہ |
| گاتے رہتے تھے بہت ہم بھی ترانہ دل کا |
| ذکر چھیڑو نہ مرے سامنے ہرجائی کا |
| پھر نہ بڑھ جائے کہیں درد پرانا دل کا |
| یا ٹھہر جائے وہی آ کے مکان دل میں |
| یا بدل جائے مرے یار ٹھکانہ دل کا |
| میں تو ماہر ہوں طبیبوں سے زیادہ دل کا |
| تو کسی روز مجھے داغ دکھانا دل کا |
معلومات