| سدا مصطفیٰ پر صلاۃ و سلام |
| ملے جن کو خالق سے عالی مقام |
| جو عکسِ جمالِ الہ حسن ہے |
| ذکر اُس حسن کا، ہے بالائے بام |
| سدا مصطفیٰ پر صلاۃ و سلام |
| وہ محبوبِ رب ہیں، حبیبِ خلق |
| لکھا عرشِ اعظم پہ اُن کا ہے نام |
| سدا مصطفیٰ پر صلاۃ و سلام |
| وہ احسانِ اعظم جلائے قلوب |
| درودِ خدا آئیں جن پر دوام |
| سدا مصطفیٰ پر صلاۃ و سلام |
| ملا ان کو رتبہ جدا خلق میں |
| صفِ انبیا کے ہیں یکتا امام |
| سدا مصطفیٰ پر صلاۃ و سلام |
| امامِ امم ہیں نبی دلربا |
| ملا ان سے ہم کو خدا کا پیام |
| سدا مصطفیٰ پر صلاۃ و سلام |
| رکھی جس نے روشن فضائے دہر |
| وہ ڈنکے سے ہمدم محمد ہے نام |
| سدا مصطفیٰ پر صلاۃ و سلام |
| ہے توصیف گر خود نبی کا خدا |
| ثنا خواں نبی کی ہے ہستی تمام |
| سدا مصطفیٰ پر صلاۃ و سلام |
| اے محمود حق ہے، نبی کا، درود |
| ملا فیض جن سے، خلق کو ہے عام |
| سدا مصطفیٰ پر صلاۃ و سلام |
معلومات