| توصیفِ مصطفی کہاں میری مجال میں |
| آتے ہیں غیب سے یہ مضامیں خیال میں |
| وہ خؤبروئی آتی نہیں ہے مثال میں |
| جو خوبروئی آئی ہے ان کے بلال میں |
| پھنسنے لگا میں جب بھی گناہوں کے جال میں |
| یادِ حضور آ گئی ہے میری ڈھال میں |
| تسکین زخموں کو ملے جو ان کی یاد سے |
| تسکین کوئی ایسی کہاں اندمال میں |
| حُسنِ حضور کی فقط اک ہلکی سی جھلک |
| مُضْمِر ہے کائنات کے حسن و جمال میں |
| شاہانِ دہر رشک کناں بھی ہیں دنگ بھی |
| وہ سرفرازیاں ہیں ترے پائمال میں |
| ان سے سوال کر کے وہ بھی مجھ کو مل گئیں |
| شامل جو نعمتیں نہ تھیں میرے سوال میں |
معلومات