| ایمان کا قرآن کا سیرت کا تحفظ |
| واجب ہے سبھوں پر کریں ملت کا تحفظ |
| اقدار کا کردار کا عظمت کا تحفظ |
| اس دور فتن میں کریں عصمت کا تحفظ |
| احساس عمل جاگے دلوں میں تو ہے ممکن |
| معیار کا توقیر کا غیرت کا تحفظ |
| فاسق سے کراہت ہو، مطہر سے ہو قربت |
| پاکیزگی سے کرنا عقیدت کا تحفظ |
| بدلاؤ کا رہتا جو طلبگار وہ جانے |
| افکار کا رغبت کا ثقافت کا تحفظ |
| انسان سے رکھتا ہے جو انسان محبت |
| کرتا ہے وہی بندہ اخوت کا تحفظ |
| میلان رواداری کی ناصؔر ہے نشانی |
| جزبات کا الفت کا حمیت کا تحفظ |
معلومات