| ﷽ﷺ |
| ماذاغ سرمہ والی سرکار کی بصر ہے |
| بانٹے یہ نورِ حق کو جاتی جدھر نظر ہے |
| قرآن ہیں جو ناطق پیارے حبیبِ یزداں |
| نورِ ہدا نبی ہیں صورت مگر بشر ہے |
| خلدِ بریں خدا کی آباد مصطفیٰ سے |
| دارین میں یوں پھیلی پکی یہی خبر ہے |
| آنکھیں ہیں سرمگیں اور چہرہ بڑا منور |
| جس کی ضیا سے چمکی پہلی حسیں سحر ہے |
| اُن کے اشارے سمجھے وہ انجمن فلق پر |
| دو لخت چاند دیکھیں لوٹا ہوا مہر ہے |
| فردوس تک پہنچ ہے دورِ قیام میں بھی |
| چاہیں کریم کھا لیں جنت سے جو ثمر ہے |
| محمود میرے آقا جوادِ دو سریٰ ہیں |
| قاسم وہ نعمتوں کے یہ قول معتبر ہے |
معلومات