| آمد سے مصطفیٰ کی کونین معتبر ہے |
| مولا کی رحمتوں کا ہر جا گراں اثر ہے |
| آقا بنے سہارا دنیا میں بے کسوں کا |
| بردے کو خلد ہمدم دلدار کا ہی در ہے |
| عزت ہے کبریا کی بعد از خدا نبی ہیں |
| دیتی جہاں کو رونق سرکار کی نظر ہے |
| ہستی سجی ہوئی ہے آمد حبیب کی ہے |
| گونجی جہاں میں ہر سو مختار کی خبر ہے |
| لَوْلَاکَ والے آقا دنیا میں آ گئے ہیں |
| بدرِ دُجٰی نبی ہیں یہ مانتا قمر ہے |
| آنے سے اُن کے آئی کونین میں بھلائی |
| آسان مصطفیٰ سے دارین کا سفر ہے |
| محمود دو جہاں کے طالع سنور گئے ہیں |
| ہیں رات دن حسیں تر ایسی سجی سحر ہے |
معلومات