| میری خاطر وہ کیا نہیں کرتے |
| میرے حق میں دعا نہیں کرتے! |
| جب اٹھاتے ہیں ہم دعا میں ہاتھ |
| اکتِفا کی خطا نہیں کرتے |
| گر خطا ہی خطا کریں گے آپ |
| جائیے ، ہم گلہ نہیں کرتے |
| گلے شکوے ہزار ہوتے ہیں |
| آپ، ہم، کیوں ملا نہیں کرتے |
| جو ملاتے ہیں ہاتھ اندھیروں سے |
| لوگ ایسے دکھا نہیں کرتے |
| دیکھ کر نبض مسکراتے ہیں |
| اور کچھ بھی دوا نہیں کرتے |
| دعا ہی ہے دوا مریض کی جب |
| روگ ظاہر ہوا نہیں کرتے |
| ہوں گے آپ آدمی بڑے، بےحس |
| کام کچھ بھی بڑا نہیں کرتے |
| بے حس کلیم |
معلومات