| یا خدا! تجھ سے تیرا فضلِ کبریا مانگتا ہوں |
| عشقِ اہلِ بیت، عشقِ مصطفیٰؐ مانگتا ہوں |
| پنجتن کے عشق کا میں طالب ہوں |
| محبتِ مرتضیٰ، زیارتِ مجتبیٰؑ مانگتا ہوں |
| حضرتِ شبیرؑ کے عشق کا جام مانگتا ہوں |
| شفاعتِ بتولؑ، سایۂِ چادرِ زہراؑ مانگتا ہوں |
| جنابِ قاسمؑ کی حسیں جوانی کا صدقہ |
| مرے مالک! میں سہراےِ حیا مانگتا ہوں |
| ساقی! یہ شرابِ دہر تو میں نہیں مانگتا |
| پیمانۂ عشقِ عباسِ بے پناہ مانگتا ہوں |
| حالِ دل سے واقف بھی ہے، تو بصیر بھی ہے |
| تو جانتا ہے، میں تجھ سے کیا مانگتا ہوں |
| میں نہ تجھ سے خدائی مانگتا ہوں، یا خدا! |
| نہ غرور، نہ تکبُّر، نہ رُسوائی مانگتا ہوں |
| مال و زر جو دل میں خُمار پیدا کرے |
| ایسے ہر مال و کبریائی سے پناہ مانگتا ہوں |
| تیرے بندوں کا پیار دل میں آ بسے میرے |
| یا رحیم! تیری توفیق سے یہ دعا مانگتا ہوں |
| ہر شخص کے سر سے اُترے بلاؤں کا سایہ |
| خُدا تجھ سے میں ہدایتِ ہُدا مانگتا ہوں |
| ٹل جائے سب کے دلوں سے غمِ ہجراں |
| خُداوند سے ہر پل رحمتِ باراں مانگتا ہوں |
| وہ رنگ جو کبھی مدھم نہ ہو، ادریس |
| ایسا رنگِ عشقِ جاوداں مانگتا ہوں |
| تیرا عشق حاصل ہو جائے گر مجھ کو |
| مالک! میں تیرے سِوا کیا مانگتا ہوں |
معلومات