(1)_copy_379x532.jpg)
| مہک اٹھا ہے ترے دم سے آج حسنِ چمن |
| بسا ہے تیری ہی خوشبو سے میرا پیراہن |
| تبسمِ لبِ جاں بخش سے یہ عالم ہے |
| کھلے ہوں شاخِ گلستاں پہ جیسے پھول و سمن |
| بسی ہے روح میں تیرے خیال کی خوشبو |
| ہوا ہے مشکِ ختن آج میرا فکر و سخن |
| نکھر گیا ہے تری دید سے یہ روئے زمیں |
| لچک رہی ہے جو شاخِ گلِ لطیف بدن |
| تری جبیں پہ جو چمکا ہے اک ستارہ سا |
| ہوا ہے چاند بھی حیراں بہ رنگِ مہر و لگن |
| کسی کی یاد کے جگنو چمکنے لگتے ہیں |
| سیاہ رات میں روشن ہو جب ترا آنگن |
| یہ تیرے پاؤں کی آہٹ ہے یا کوئی نغمہ |
| سماعتوں میں بسا ہے کوئی سریلا پن |
| عجیب قحطِ مروت ہے اس زمانے میں |
| بدل رہا ہے یہاں آدمی کا رنگ و چلن |
| بچھڑ کے تجھ سے عجب حال ہے مرے دل کا |
| سلگ رہا ہے جدائی میں میرا جان و بدن |
| فریبِ جلوہِ دنیا سے بچ کے نکلے ہیں |
| لگا ہے عشق کے ہاتھوں ہمیں بھی اب وہ گھن |
| عروجِ ذات کی منزل شعورِ غم میں ہے |
| سجا ہے زخم کے پھولوں سے میرا فکرِ کہن |
| ترے جمال کی صورت گری محال ہے اب |
| تھکن سے چور ہے خالدؔ مرا شعور و فن |
معلومات