| مسافر مدینے کا جب کوئی جائے |
| تڑپتے ہوئے دل کی دھڑکن سنائے |
| عقیدت سے سر کو جھکائے، بتائے |
| سلام انﷺ سے کہنا، سلام انﷺ سے کہنا |
| وہاں جب نظر سبز گنبد پہ ٹھہرے |
| خوشی کے ابلنے لگیں دل میں چشمے |
| ادب سے، حیا سے، گرا کے یہ آنسو |
| سلام انﷺ سے کہنا، سلام انﷺ سے کہنا |
| یہ کہنا کہ آقاﷺ، بلائیں ہمیں بھی |
| مقدر کا تارا دلائیں ہمیں بھی |
| پریشان حالوں کا، بے آسرا کا |
| سلام انﷺ سے کہنا، سلام انﷺ سے کہنا |
| ہے دوری کا غم اب تو حد سے زیادہ |
| سسکتا ہے دل، آرزو ہے زیادہ |
| جو پہنچا نہیں ہے تمہارےﷺ ہی در پر |
| سلام انﷺ سے کہنا، سلام انﷺ سے کہنا |
| دعا ہے کہ گزرے یہ عمرِ گریزاں |
| شریعت کی راہوں پہ ہو کر غزل خواں |
| لبوں پر ہو ہر دم تمہارا ہی کلمہ |
| سلام انﷺ سے کہنا، سلام انﷺ سے کہنا |
| دکھا دو مدینے کی گلیاں الٰہی |
| ملے دیدِ روضہ کی اب تو گواہی |
| خدا کے لیے اس تڑپتے ہوئے کا |
| سلام انﷺ سے کہنا، سلام انﷺ سے کہنا |
معلومات