| ہر اک قدم پہ نئی روشنی جو پائی ہے |
| یہ سب دعا ہے نبی ﷺ کی جو رنگ لائی ہے |
| یہ دل کی رونقیں، روحانی کیف کیا کہیے! |
| کہ جب سے میں نے محمد ﷺ سے لو لگائی ہے |
| نہیں ہے خوف بھٹکنے کا زندگی میں کوئی |
| کہ دل میں عشقِ محمد ﷺ کی لو جلائی ہے |
| چلے ہیں جذب سے ہم وادیِ محبت میں |
| ہر ایک سانس میں خوشبو نئی بسائی ہے |
| نبی ﷺ کا ذکر ہے ایسا تو حسن کیا ہوگا! |
| یہ سوچ کر ہی مری آنکھ تو بھر آئی ہے |
| ملا ہے الفتِ آقا ﷺ میں اب سکوں دل کو |
| یہ میرے رب کی ہے رحمت جو مجھ پہ چھائی ہے |
| نہ دل کو خوف، نہ غم کا کہیں ملال کوئی |
| رضاۓ رب سے یہ آسودگی بھی پائی ہے |
| جسے بھی ان ﷺ سے عقیدت ہے، معتبر ہے وہی |
| کہ مصطفیٰ ﷺ کی محبت ہی رہنمائی ہے |
| مری دعا ہے کہ ہر سانس میں درود پڑھوں |
| کہ بے درود ہر اک سانس بے وفائی ہے |
معلومات