| زہراؑ کے لاشے پر یہ کہتے تھے رو کے سرورؑ |
| اٹھو نا میری مادر |
| کیوں بولتی نہیں ہو دل پر ہے چلتا خنجر |
| اٹھو نا میری مادر |
| بابا یہ کہہ دیں ماں سے اٹھ کر مجھے بلا لیں |
| سینے مجھے لگا لیں |
| دیتا ہوں میں صدائیں سنتی نہیں ہیں کیونکر |
| اٹھو نا میری مادر |
| روتا تھا جب کبھی میں کرتی تھیں پیار تم تو |
| کرتیں نثار خود کو |
| اب خود کو کر رہا ہوں اماں نثار تم پر |
| اٹھو نا میری مادر |
| اماں یوں کمسنی میں تنہا نہ ہم کو چھوڑو |
| ایسے نہ منہ کو موڑو |
| نانا کا واسطہ ہے آنکھیں بھی کھولو اُٹھ کر |
| اٹھو نا میری مادر |
| ماتم بپا ہے گھر میں بچوں پہ غش ہے طاری |
| کرتے ہیں آہ و زاری |
| قدموں پہ سر وہ رکھ کر کہتے ہیں یہ برابر |
| اٹھو نا میری مادر |
| نانا کا ذکر اماں ہم سے کرو دوبارہ |
| روٹھو نہ یوں خدارا |
| نظروں میں گھومتا ہے بیت الحزن کا منظر |
| اٹھو نا میری مادر |
| سانسیں بھی رک رہی ہیں منہ کو کلیجہ آیا |
| دیکھا تمھارا لاشہ |
| ہاتھوں کو جوڑ کر یہ کہتے ہیں رو کے مضطر |
| اٹھو نا میری مادر |
| صائب کفن کو تھامے زہراؑ کے ہیں دلارے |
| احمدؐ کے دل کے تارے |
| پھٹتا ہے دل یہ میرا نوحہ یہ ان کا سن کر |
| اٹھو نا میری مادر۔ |
معلومات