جھونکا چمن میں آیا کیسی بخور کا |
دامن ہلا ہے شاید میرے حضور کا |
لائی جو دل میں راحت ایسی ہوا ہے یہ |
فیضِ کمال ہے یہ ربِ غفور کا |
مولا کے کرم سے ہیں اس کی عنایتیں |
صدقہ ملا یہ ہم کو مولا کے نور کا |
کافور ظلمتیں ہیں الحاد و کفر کی |
مٹی میں منہ ہے آیا ان کے فتور کا |
انساں بنے ہیں بھائی دشمن تھے جان کے |
درجہ سوا ہوا ہے دل کے سرور کا |
قبضے میں ہے خدائی الفقرُ فخر او |
جن کے ہے بوریا میں. مصلے کھجور کا |
محمود مصطفیٰ سے ہے نعمتِ حیات |
رازِ خدائے واحد رتبہ حضور کا |
معلومات