| رہِ طلب میں کبھی وہ مقام آ جائے |
| اتھاہ گہری لگن اپنی کام آ جائے |
| مریضِ عشق کو کچھ تو، پیام آ جائے |
| "خدا کرے کہ تمہارا سلام آ جائے" |
| فضائیں منچلی، آنکھیں بھی ہوں خمار زدہ |
| ہوائیں ٹھنڈی چلیں، اور شام آ جائے |
| نگاہیں خیرہ ہو جائیں، زباں یہ عش بولے |
| جہاں نما کبھی رِفعت کو بام آ جائے |
| سکونِ قلب کی چاہت نہ اور خواہش ہے |
| پہ انتظارِ صنم میں مدام آ جائے |
| خیالِ یار کو آغوش میں پناہ دئے |
| عروسِ خواب میں شیریں منام آ جائے |
| فنِ ادب میں تُو ناصؔر کمال پیدا کر |
| سُخن وروں میں ترا پھر جو نام آ جائے |
معلومات