| نئے سال کا جشن مِل کر منائیں |
| خُدا مہرباں ہے یہ سب کو بتائیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اُسی نے یہ بخشا ہے پھر سال ہم کو |
| ہے کرتا وہی آپ خوش حال ہم کو |
| خدا ہے محبّت یہ دل میں بِٹھائیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| نئے سال میں یہ ارادہ کریں ہم |
| بھلائی و نیکی زیادہ کریں ہم |
| محبّت ہے افضل سبھی کو دِکھائیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| کبھی پائیں خوشیاں کبھی درد جھیلے |
| رہیں گے ہمیشہ یہ دکھ سُکھ کے میلے |
| بتاتی ہیں ہم کو یہ چلتی ہوائیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| مبارک ہو سب کو نیا سال آیا |
| رہے رنج و غم کا بہت دُور سایہ |
| دُعا میں سبھی ہاتھ اپنے اُٹھائیں |
معلومات