| بڑی بے مِثل ہے نبی ﷺ کی فَصاحت |
| فَدا ہے کلامِ نبی ﷺ پر بَلاَغت |
| وہ قرآن پڑھتے تو دل جھوم اٹھتے |
| عجب دل نشیں تھی نبی ﷺ کی تِلاوت |
| غلاموں میں جنت کی نعمت وہ بانٹیں |
| نبی ﷺ کی عطا ہے نِرالی سَخاوت |
| چراغِ علم سے مٹائی جہالت |
| ہے دینِ محمد ﷺ کی روشن اِشاعت |
| مرے جیسے عاصی بھی جائیں گے جنت |
| کریں گے وہ روزِ جزا جب شَفاعت |
| رکھو مصطفیٰ ﷺ کی قرابت سے اُلفت |
| بڑی شان والی ہے اُن کی قَرابت |
| عتیقؔ اُن کے در کی غلامی پہ نازاں |
| یہی ہے مری زندگی کی سَعادَت |
معلومات