| آج تنہا دکھوں کو رونا ہے |
| بیٹھ کر محفلوں کو رونا ہے |
| بھر گیا ہے مکاں مرے غم سے |
| ٹوٹ کر کھڑکیوں کو رونا ہے |
| در بدر پھر کے اپنے آنگن میں |
| ان سنی سازشوں کو رونا ہے |
| چاک سے پھوٹنے لگی ہے وبا |
| ہائے بخیہ گروں کو رونا ہے |
| آپ نے فیصلہ سنایا ہے |
| آپ کے فیصلوں کو رونا ہے |
| جن پہ چل کر نہیں کہیں پہنچے |
| اب انہی راستوں کو رونا ہے |
| یہ انہی خودسروں کی سازش ہے |
| یا سب ہی لیڈروں کو رونا ہے؟ |
| سوچ کو راستہ دیا جائے |
| یا انہی سر حدوں کو رونا ہے؟ |
| بند ہے کعبہ و کلیسا کیوں؟ |
| دوستوں دشمنوں کو رونا ہے |
معلومات