| حق کی بشارت میرے ہیں سلطاں |
| رب کی عنایت میرے ہیں سلطاں |
| آنے سے اُن کے آنِ چمن ہے |
| یہ جانِ نزہت میرے ہیں سلطاں |
| یزداں سے رحمت صدقہ ہے اُن کا |
| مہر اور شفقت میرے ہیں سلطاں |
| امت پہ ان کی فضلِ الٰہی |
| داتائے عصمت میرے ہیں سلطاں |
| لولاک کا فرماں شان ملی |
| جن کی یہ حشمت میرے ہیں سلطاں |
| کافور ظلمت آنے سے ان کے |
| لائے جو راحت میرے ہیں سلطاں |
| سارے ہیں منظر ہستی میں اعلیٰ |
| شہکار قدرت میرے ہیں سلطاں |
| رب کی ہے منشا اُن کی اطاعت |
| جن کی یہ عزت میرے ہیں سلطاں |
| جو رونقیں ہستی میں ہیں آئیں |
| جن سے یہ برکت میرے ہیں سلطاں |
| پیارے ہیں آقا دولہائے محشر |
| جن سے شفاعت میرے ہیں سلطاں |
| محمود جس کو جو بھی ملا ہے |
| جن سے یہ نعمت میرے ہیں سلطاں |
معلومات