| نے میکدہ نہ محفلِ رنداں ہے آج کل |
| مستی رہی نہ عیشِ فراواں ہے آج کل |
| سودائیِ ہوس تو بہت ہیں ابھی، مگر |
| جنسِ گرانِ عشق کا فقداں ہے آج کل |
| اب ہوگئی جہاں میں گراں امن و آشتی |
| اور کشت و خون ہوگیا ارزاں ہے آج کل |
| دیکھو تو سوئے لالہِ پژمردہِ چمن |
| کہ نوحہ خوانِ گلشنِ ویراں ہے آج کل |
| ساقی نہ جام ہے، نہ مئے ناب ہے یہاں |
| کتنا عجیب سا یہ خمستاں ہے آج کل |
| مدت گزر چکی تھی کہ تحسینؔ تھا خموش |
| اب کیا ہوا کہ پھر سے غزل خواں ہے آج کل |
| سید تحسینؔ حیدر بخاری |
معلومات