| ہم پہ کرم پھر رب کا ہُوا، چاند سا بیٹا ہم کو ملا |
| باغ میں سُندر پھول کِھلا، چاند سا بیٹا ہم کو مِلا |
| نعمت کا دروازہ کُھلا، مولا تیری خوب عطا |
| ہر نعمت پر شُکرِ خُدا، چاند سا بیٹا ہم کو ملا |
| رقص میں آج ہے بادِ صَبا، دل بھی اپنا جھوم اُٹھا |
| خوشیوں کا پھر دیپ جلا، چاند سا بیٹا ہم کو ملا |
| شاہد دیکھو نانا بنا، ارشد بھی تو دادا بنا |
| نانی دادی اس پہ فِدا، چاند سا بیٹا ہم کو ملا |
| بھانجا مِلا ہے بھتیجا مِلا، آنکھ کا سب کو تارا مِلا |
| لب پر جاری ایک صدا، چاند سا بیٹا ہم کو ملا |
| تیری سب سے انوکھی ادا، زیرکؔ تیرا کلام جُدا |
| دل کو ہمارے اچھا لگا، چاند سا بیٹا ہم کو ملا |
معلومات