| ہم جنوری کے آخر بطحا کو جا رہے ہیں |
| دل بستہ راز ہے، میری جاں بتا رہے ہیں |
| یہ شہر ہے مدینہ خوشیاں منا رہے ہیں |
| نغماتِ دلبری ہیں لب پر سجا رہے ہیں |
| صلے علیٰ محمد اب وردِ جان و دل ہے |
| خدمت میں مصطفیٰ کی دل شاد جا رہے ہیں |
| گنبد حسیں نظر میں کتنا حسیں ہے لگتا |
| کچھ دور دل سے منظر سب اور جا رہے ہیں |
| یہ جالیاں سنہری نظروں کے رو برو ہیں |
| نغمے درود کے بھی کانوں میں آ رہے ہیں |
| ہم سانس لے رہے ہیں لیکن سنبھل سنبھل کر |
| پورے ادب میں مومن قربان جا رہے ہیں |
| نوری ہجوم ہر جا کرتے ہیں باتیں دھیمی |
| بن مانگے جھولیاں سب بھر بھر کے جا رہے ہیں |
| خدمت میں دلربا کی عاجر سلام لایا |
| اب سانس نغمے اُن کے ہولے سے گا رہے ہیں |
| محمود بھولے دنیا روضہ کے سامنے ہے |
| الطاف مصطفیٰ کے دامن میں آ رہے ہیں |
| موقع یہ زندگی میں بارِ دگر ملے گا |
| جب جان لیں گے دلبر در پر بلا رہے ہیں |
| نغمے حبیبِ رب کے اعجازِ مصطفیٰ سے |
| سینے سے آئے لب پر کانوں میں آ رہے ہیں |
معلومات