| سخن کے سب مرا تب میں علا ہے نعتِ نبی |
| فنا نہیں ہے جسے وہ بقا ہے نعتِ نبی |
| نہیں ہے جس میں کچھ آورد با وجودِ آورد |
| خدا کی خاص یہ ایسی عطا ہے نعتِ نبی |
| سخن شناس سے پوچھے گے قبر میں یہ نکیر |
| طلب ہے بخششوں کی تو ، بتا ہے نعتِ نبی ؟ |
| حضور سا نہ کوئی ہے حسین اس لیے بھی |
| جمالیات کی یہ انتہا ہے نعتِ نبی |
| جزا ہو مانگتے کیا نعت گوئی کی نبی سے |
| جزا ہی تو ہے کہ ہو ئی عطا ہے نعتِ نبی |
| ملی بو صیری کو قربت کے ساتھ صحت بھی |
| مریضِ ہجرو وبا کو شفا ہے نعت نبی |
| ہے سب مصاحِفِ مرسل میں ذکرِ پاکِ حبیب |
| کہ جز وو کل یہ کلامِ خدا ہے نعت نبی |
| چنا ہے نعتِ نبی کو خدا نے اپنے لیے |
| کچھ اس لیے بھی تو سب سے جدا ہے نعتِ نبی |
| میں کیسے چھوڑ دوں نعتیں حضور کی لکھنا |
| کہ میرے فن کے لیے تو جلا ہے نعتِ نبی |
معلومات