| کیوں وہ جمہوریت کا دوانہ ہوا |
| امن دیکھے بھی جس کو زمانہ ہوا |
| حکمراں کو میسر ہیں عیاشیاں |
| دور مفلس سے ہے آب و دانہ ہوا |
| ظلم سہ کر بھی کہتے ہیں "سب ٹھیک ہے" |
| فہم ان مفلسوں سے روانہ ہوا |
| روٹھتا جا رہا ہے شجر چین کا |
| پھل تو کیا، اب تو سایہ فسانہ ہوا |
| دیس میں کام ہم نے کیا کچھ نہیں |
| جو تھا پہلے کا وہ بھی پرانا ہوا |
| منتظر ہے بہاروں کا میرا چمن |
| مستقل جو خزاں کا ٹھکانہ ہوا |
| ہم تجھے یاد کرتے ہوئے رو دیے |
| دل کا موسم کبھی گر سہانا ہوا |
| جو مرے ساتھ گزرے ہیں لمحے، انہیں |
| یاد کرنا تو جب مسکرانا ہوا |
معلومات