درد جس نے سہا نہیں ہوتا |
اس کو سکھ کا پتا نہیں ہوتا |
زندگی میں غم و خوشی جو نہ ہوں |
زندگی میں مزا نہیں ہوتا |
سب کو غم اور خوشی جو دیتا ہے |
کیا کسی کا خدا نہیں ہوتا |
جب خدا پر یقینِ کامل ہو |
درد پھر لا دوا نہیں ہوتا |
چھاچھ پینے سے پہلے سوچے کیوں |
دودھ کا گر جلا نہیں ہوتا |
عشق دشوار ہی نہیں لگتا |
خار جب تک چبھا نہیں ہوتا |
جان کر دل کو توڑتے ہیں لوگ |
عشق لیکن دغا نہیں ہوتا |
کھیل کیوں کھیلتے ہیں چاہت کا |
جن سے وعدہ وفا نہیں ہوتا |
اس کو دنیا سزائیں دیتی ہے |
جرم جس نے کیا نہیں ہوتا |
آزماوو نہ صبر کو حامد |
ورنہ ضد میں تو کیا نہیں ہوتا |
معلومات