بحر کی معلومات

29 جولائی
غزل

مرزا غالب

ہے بزمِ بتاں میں سخن آزردہ لبوں سے

تنگ آئے ہیں ہم ایسے خوشامد طلبوں سے

ہے دورِ قدح وجہ پریشانیِ صہبا

یک بار لگا دو خمِ مے میرے لبوں سے

رندانِ درِ مے کدہ گستاخ ہیں زاہد

زنہار نہ ہونا طرف ان بے ادبوں سے

ہے بزمِ بتاں میں سخن آزردہ لبوں سے

مفعول مفاعیل مفاعیل فَعُولن

540

29 جولائی
نظم

جوش ملیح آبادی

کیا شعلۂ طرّار وہ اللہُ غنی ہے

کیا لرزشِ تابندگیِ سیم تنی ہے

رشکِ مہِ کنعاں ہے غزالِ خُتنی ہے

افشاں ہے کہ آمادگیِ دُر شکنی ہے

تاروں میں بپا غلغلۂ سینہ زنی ہے

کیا گل بدنی گل بدنی گل بدنی ہے

گل بدنی

مفعول مفاعیل مفاعیل فَعُولن

1252

29 جولائی
نظم

جوش ملیح آبادی

کل فکر یہ تھی کشورِ اسرار کہاں ہے

اب ڈھونڈ رہا ہوں کہ درِ یار کہاں ہے

پھر حُسن کے بازار میں بکنے کو چلا ہوں

اے جنسِ تدبر کے خریدار کہاں ہے

پھر روگ لگایا ہے مرے دل کو کسی نے

اے چارہ گرِ خاطرِ بیمار کہاں ہے

ڈوبتے کی پکار

مفعول مفاعیل مفاعیل فَعُولن

1547

29 جولائی
غزل

احمد فراز

وہ دشمنِ جاں، جان سے پیارا بھی کبھی تھا

اب کس سے کہیں کوئی ہمارا بھی کبھی تھا

اترا ہے رگ و پے میں تو دل کٹ سا گیا ہے

یہ زہرِ جدائی کہ گوارا بھی کبھی تھا

ہر دوست جہاں ابرِ گریزاں کی طرح ہے

یہ شہر کبھی شہر ہمارا بھی کبھی تھا

وہ دشمنِ جاں، جان سے پیارا بھی کبھی تھا

مفعول مفاعیل مفاعیل فَعُولن

1941

29 جولائی
غزل

فیض احمد فیض

گو سب کو بہم ساغر و بادہ تو نہیں تھا

یہ شہر اداس اتنا زیادہ تو نہیں تھا

گلیوں میں پھرا کرتے تھے دو چار دوانے

ہر شخص کا صد چاک لبادہ تو نہیں تھا

منزل کو نہ پہچانے رہِ عشق کا راہی

ناداں ہی سہی ایسا بھی سادہ تو نہیں تھا

گو سب کو بہم ساغر و بادہ تو نہیں تھا

مفعول مفاعیل مفاعیل فَعُولن

454

29 جولائی
غزل

مصطفیٰ زیدی

واقف نہیں اِس راز سے آشفتہ سراں بھی

غم تیشۂ فرہاد بھی غم سنگِ گراں بھی

اُس شخص سے وابستہ خموشی بھی بیاں بھی

جو نِشترِ فصّاد بھی ہے اَور رگِ جاں بھی

کِس سے کہیں اُس حُسن کا افسانہ کہ جِس کو

کہتے ہیں کہ ظالم ہے، تو رُکتی ہے زباں بھی

واقف نہیں اِس راز سے آشفتہ سراں بھی

مفعول مفاعیل مفاعیل فَعُولن

1334

29 جولائی
غزل

فیض احمد فیض

بے دم ہوئے بیمار دوا کیوں‌ نہیں ‌دیتے

تم اچھے مسیحا ہو شفا کیوں‌ نہیں ‌دیتے

دردِ شبِ ہجراں‌ کی جزا کیوں‌ نہیں دیتے

خونِ دلِ وحشی کا صلہ کیوں ‌نہیں دیتے

ہاں ‌نکتہ ورو لاؤ لب و دل کی گواہی

ہاں‌ نغمہ گرو ساز‌ صدا کیوں‌ نہیں‌ دیتے

بے دم ہوئے بیمار دوا کیوں‌ نہیں ‌دیتے

مفعول مفاعیل مفاعیل فَعُولن

1078

29 جولائی
نظم

میر انیس

کیا زخم ہے وہ زخم کہ مرہم نہیں جس کا

کیا درد ہے جز دل کوئی محرم نہیں جس کا

کیا داغ ہے جلنا کوئی دم کم نہیں جس کا

کیا غم ہے کہ آخر کبھی ماتم نہیں جس کا

کس داغ میں صدمہ ہے فراقِ تن و جاں کا

وہ داغ ضعیفی میں ہے، فرزندِ جواں کا

کیا زخم ہے وہ زخم کہ مرہم نہیں جس کا - مرثیہ

مفعول مفاعیل مفاعیل فَعُولن

3552

29 جولائی
غزل

میر تقی میر

کیا میں بھی پریشانیِ خاطر سے قریں تھا

آنکھیں تو کہیں تھیں دلِ غم دیدہ کہیں تھا

کس رات نظر کی ہے سوئے چشمکِ انجم

آنکھوں کے تلے اپنے تو وہ ماہ جبیں تھا

آیا تو سہی وہ کوئی دم کے لیے لیکن

ہونٹوں پہ مرے جب نفسِ باز پسیں تھا

کیا میں بھی پریشانیِ خاطر سے قریں تھا

مفعول مفاعیل مفاعیل فَعُولن

1945

29 جولائی
غزل

مرزا غالب

لازم تھا کہ دیکھو مرا رستہ کوئی دِن اور

تنہا گئے کیوں؟ اب رہو تنہا کوئی دن اور

مٹ جائے گا سَر ،گر، ترا پتھر نہ گھِسے گا

ہوں در پہ ترے ناصیہ فرسا کوئی دن اور

آئے ہو کل اور آج ہی کہتے ہو کہ 'جاؤں؟'

مانا کہ ہمیشہ نہیں اچھا کوئی دن اور

لازم تھا کہ دیکھو مرا رستہ کوئی دِن اور

مفعول مفاعیل مفاعیل فَعُولن

1276

29 جولائی
غزل

مرزا غالب

ہے بس کہ ہر اک ان کے اشارے میں نشاں اور

کرتے ہیں مَحبّت تو گزرتا ہے گماں اور

یا رب وہ نہ سمجھے ہیں نہ سمجھیں گے مری بات

دے اور دل ان کو، جو نہ دے مجھ کو زباں اور

ابرو سے ہے کیا اس نگہِ ناز کو پیوند

ہے تیر مقرّر مگر اس کی ہے کماں اور

ہے بس کہ ہر اک ان کے اشارے میں نشاں اور

مفعول مفاعیل مفاعیل فَعُولن

476

29 جولائی
قطعہ

مرزا غالب

افسوس کہ دنداں کا کیا رزق فلک نے

جن لوگوں کی تھی درخورِ عقدِ گہر انگشت

کافی ہے نشانی تری چھلّے کا نہ دینا

خالی مجھے دکھلا کے بہ وقتِ سفر انگشت

لکھتا ہوں اسدؔ سوزشِ دل سے سخنِ گرم

تا رکھ نہ سکے کوئی مرے حرف پر انگشت

افسوس کہ دنداں کا کیا رزق فلک نے

مفعول مفاعیل مفاعیل فَعُولن

378

29 جولائی
غزل

فیض احمد فیض

دربار میں اب سطوتِ شاہی کی علامت

درباں کا عصا ہے کہ مصنّف کا قلم ہے

آوارہ ہے پھر کوہِ ندا پر جو بشارت

تمہیدِ مسرت ہے کہ طولِ شبِ غم ہے

جس دھجی کو گلیوں میں لیے پھرتے ہیں طفلاں

یہ میرا گریباں ہے کہ لشکر کا علَم ہے

دربار میں اب سطوتِ شاہی کی علامت

مفعول مفاعیل مفاعیل فَعُولن

731

29 جولائی
شعر

مرزا غالب

پینس میں گزرتے ہیں جو کوچے سے وہ میرے

کندھا بھی کہاروں کو بدلنے نہیں دیتے

پینس میں گزرتے ہیں جو کوچے سے وہ میرے

مفعول مفاعیل مفاعیل فَعُولن

433

29 جولائی
نظم

فیض احمد فیض

اس وقت تو یوں لگتا ہے اب کچھ بھی نہیں ہے

مہتاب نہ سورج، نہ اندھیرا نہ سویرا

آنکھوں کے دریچوں پہ کسی حسن کی چلمن

اور دل کی پناہوں میں کسی درد کا ڈیرا

اس وقت تو یُوں لگتا ہے

مفعول مفاعیل مفاعیل فَعُولن

1942

29 جولائی
غزل

مرزا غالب

تو دوست کسی کا بھی، ستمگر! نہ ہوا تھا

اوروں پہ ہے وہ ظلم کہ مجھ پر نہ ہوا تھا

چھوڑا مہِ نخشب کی طرح دستِ قضا نے

خورشید ہنوز اس کے برابر نہ ہوا تھا

توفیق بہ اندازۂ ہمت ہے ازل سے

آنکھوں میں ہے وہ قطرہ کہ گوہر نہ ہوا تھا

تو دوست کسی کا بھی، ستمگر! نہ ہوا تھا

مفعول مفاعیل مفاعیل فَعُولن

511

29 جولائی
غزل

مرزا غالب

غم کھانے میں بودا دلِ ناکام بہت ہے

یہ رنج کہ کم ہے مۓ گلفام، بہت ہے

کہتے ہوئے ساقی سے، حیا آتی ہے ورنہ

ہے یوں کہ مجھے دردِ تہِ جام بہت ہے

نے تیر کماں میں ہے، نہ صیاد کمیں میں

گوشے میں قفس کے مجھے آرام بہت ہے

غم کھانے میں بودا دلِ ناکام بہت ہے

مفعول مفاعیل مفاعیل فَعُولن

1254

29 جولائی
غزل

مرزا غالب

شبنم بہ گلِ لالہ نہ خالی ز ادا ہے

داغِ دلِ بے درد، نظر گاہِ حیا ہے

دل خوں شدۂ کش مکشِ حسرتِ دیدار

آئینہ بہ دستِ بتِ بد مستِ حنا ہے

شعلے سے نہ ہوتی، ہوسِ شعلہ نے جو کی

جی کس قدر افسردگیٔ دل پہ جلا ہے

شبنم بہ گلِ لالہ نہ خالی ز ادا ہے

مفعول مفاعیل مفاعیل فَعُولن

1178

29 جولائی
شعر

مرزا غالب

ہوں میں بھی تماشائیٔ نیرنگِ تمنا

مطلب نہیں کچھ اس سے کہ مطلب ہی بر آوے

ہوں میں بھی تماشائیٔ نیرنگِ تمنا

مفعول مفاعیل مفاعیل فَعُولن

232

29 جولائی
غزل

مرزا غالب

بازیچۂ اطفال ہے دنیا مرے آگے

ہوتا ہے شب و روز تماشا مرے آگے

اک کھیل ہے اورنگِ سلیماں مرے نزدیک

اک بات ہے اعجازِ مسیحا مرے آگے

جز نام نہیں صورتِ عالم مجھے منظور

جز وہم نہیں ہستیٔ اشیا مرے آگے

بازیچۂ اطفال ہے دنیا مرے آگے

مفعول مفاعیل مفاعیل فَعُولن

4218

29 جولائی
غزل

مرزا غالب

جوں شمع ہم اک سوختہ سامانِ وفا ہیں

اور اس کے سوا کچھ نہیں معلوم کہ کیا ہیں

اک سرحدِ معدوم میں ہستی ہے ہماری

سازِ دل بشکستہ کی بیکار صدا ہیں

جس رخ پہ ہوں ہم، سجدہ اسی رخ پہ ہے واجب

گو قبلہ نہیں ہیں مگر اک قبلہ نما ہیں

جوں شمع ہم اک سوختہ سامانِ وفا ہیں

مفعول مفاعیل مفاعیل فَعُولن

448

29 جولائی
نظم

مرزا غالب

ہاں! اے نفسِ بادِ سحر شعلہ فشاں ہو

اے دجلۂ خوں! چشمِ ملائک سے رواں ہو

اے زمزمۂ قُم! لبِ عیسیٰ پہ فغاں ہو

اے ماتمیانِ شہِ مظلوم! کہاں ہو

بگڑی ہے بہت بات، بنائے نہیں بنتی

اب گھر کو بغیر آگ لگائے نہیں بنتی

مرثیہ

مفعول مفاعیل مفاعیل فَعُولن

370

29 جولائی
غزل

مرزا غالب

ہم رشک کو اپنے بھی گوارا نہیں کرتے

مرتے ہیں ، ولے ، اُن کی تمنا نہیں کرتے

در پردہ اُنھیں غیر سے ہے ربطِ نہانی

ظاہر کا یہ پردہ ہے کہ پردہ نہیں کرتے

یہ باعثِ نومیدیِ اربابِ ہوس ہے

غالبؔ کو بُرا کہتے ہو ، اچھا نہیں کرتے

ہم رشک کو اپنے بھی گوارا نہیں کرتے

مفعول مفاعیل مفاعیل فَعُولن

807

29 جولائی
غزل

مرزا غالب

جس زخم کی ہو سکتی ہو تدبیر رفو کی

لکھ دیجیو یا رب اسے قسمت میں عدو کی

اچھا ہے سر انگشتِ حنائی کا تصور

دل میں نظر آتی تو ہے اک بوند لہو کی

کیوں ڈرتے ہو عشاق کی بے حوصلگی سے

یاں تو کوئی سنتا نہیں فریاد کسو کی

جس زخم کی ہو سکتی ہو تدبیر رفو کی

مفعول مفاعیل مفاعیل فَعُولن

385

29 جولائی
غزل

مرزا غالب

مت مردُمکِ دیدہ میں سمجھو یہ نگاہیں

ہیں جمع سویدائے دلِ چشم میں آہیں

مت مردُمکِ دیدہ میں سمجھو یہ نگاہیں

مفعول مفاعیل مفاعیل فَعُولن

204

29 جولائی
غزل

مرزا غالب

جس بزم میں تو ناز سے گفتار میں آوے

جاں کالبدِ صورتِ دیوار میں آوے

سائے کی طرح ساتھ پھریں سرو و صنوبر

تو اس قدِ دل کش سے جو گلزار میں آوے

تب نازِ گراں مایگیٔ اشک بجا ہے

جب لختِ جگر دیدۂ خوں بار میں آوے

جس بزم میں تو ناز سے گفتار میں آوے

مفعول مفاعیل مفاعیل فَعُولن

1311

29 جولائی
غزل

مرزا غالب

کہتے تو ہو تم سب کہ بتِ غالیہ مو آئے

یک مرتبہ گھبرا کے کہو کوئی "کہ وو آئے"

ہوں کش مکشِ نزع میں ہاں جذبِ محبّت

کچھ کہہ نہ سکوں، پر وہ مرے پوچھنے کو آئے

ہے صاعقہ و شعلہ و سیماب کا عالم

آنا ہی سمجھ میں مری آتا نہیں، گو آئے

کہتے تو ہو تم سب کہ بتِ غالیہ مو آئے

مفعول مفاعیل مفاعیل فَعُولن

1537