| تیری صورت تری تصویر بہت یاد آئی |
| مجھ کو اک لوہے کی زنجیر بہت یاد آئی |
| جب سنائی گئی دنیا کی زبانی مجھ کو |
| تیرے ہونٹوں کی وہ تفسیر بہت یاد آئی |
| بے قراری کی حدیں توڑنے والا تھا میں |
| پھر ترے ہجر کی تدبیر بہت یاد آئی |
| جب کسی سے نہ مرے خواب کا حل نکلا تھا |
| مجھ کو یوسف کی وہ تعبیر بہت یاد آئی |
| جب کیا چارہ گروں نے مرے زخموں کا علاج |
| مجھ کو بدنام مری ہیر بہت یاد آئی |
| مٹ گئی یوں تو مرے دل سے روایت تیری |
| بس وہی آخری تحریر بہت یاد آئی |
| درد آباد رہے غم کے سبب سے ساگر |
| دل کو آخر مری تقدیر بہت یاد آئی |
معلومات