| مُعاف کر مِرے خُدا، برات کی یہ رات ہے |
| لبوں پہ جاری ہے دُعا، برات کی یہ رات ہے |
| عَمَل نہیں ہے کُچھ مِرا، گُناہ بھی ہیں بے بہا |
| تِرے کرم پہ ہے نِگاہ، برات کی یہ رات ہے |
| لگا دے نیکیوں میں دِل، نہ آخرت میں ہُوں خَجِل |
| ہو حُسنِ خاتمہ عطا، برات کی یہ رات ہے |
| بھنور میں میرا بخت ہے، جگر ہُوا دولخت ہے |
| غموں کو میرے دے مِٹا، برات کی یہ رات ہے |
| خطائیں بے شُمار ہیں، ہوئے ذلیل و خوار ہیں |
| عطا ہو پھر سے مرتبہ، برات کی یہ رات ہے |
| عزیز جتنے چل دِیے، شفاعَتِ نبی مِلے |
| عذاب سے اُنھیں بچا، برات کی یہ رات ہے |
| یہ زیرکؔ اُن کا ہے گدا، دیار اُن کا دے دِکھا |
| اُنھی کا دُوں میں واسطہ، برات کی یہ رات ہے |
معلومات