| ماہتابِ دِینِ انور حضرتِ فاروقؓ ہیں |
| شاہِ دو عالَم ﷺ کے دلبر حضرت فاروقؓ ہیں |
| روزِ روشن کی طرح ان کی خلافت ہے عیاں |
| عکسِ کردارِ پیمبرﷺ حضرتِ فاروقؓ ہیں |
| ڈر کے مارے اس طرف شیطان بھی جاتا نہیں |
| جلوہ فرما جس جگہ پر حضرتِ فاروقؓ ہیں |
| آج دورِ پرفتن کے حاکموں کو دیکھ کر |
| یاد آتے مجھ کو اکثر حضرتِ فاروقؓ ہیں |
| جن کی دختر تاجدارِ انبیاء ﷺ کے عقد میں |
| وہ مقدر کے سکندر حضرت فاروقؓ ہیں |
| آج بھی سرکار ﷺ کے پہلو میں وہ لیٹے ہوئے |
| کس قدر خوشا مقدر حضرتِ فاروقؓ ہیں |
| وہ فصیح العرب عالم باعمل اسلام کے |
| دین کے لقمان رہبر حضرتِ فاروقؓ ہیں |
معلومات