.jpg)
| تخیل کے رنگیں سَرابوں میں آئے |
| خیالوں سے آگے وہ خوابوں میں آئے |
| تَصور سے نکلے نِگاہوں میں آئے |
| سِتاروں سے اُترے گُلابوں میں آئے |
| مِرے دل میں اُن کی مُحبت یُوں آئی |
| کہ ماہِ تَمامی خَرابوں میں آئے |
| نِگاہوں کو تابِ نَظارہ نہیں تھی |
| مِری خُوش نصیبی حِجابوں میں آئے |
| اِسی طور دیکھوں میں حُسنِ حقیقی |
| کہ نقشِ حقیقی شرابوں میں آئے |
| مِرے شعر اُن کا سَراپا دِکھائیں |
| وہ بَن کے رُباعی کِتابوں میں آئے |
| خُدا کو پکارا جو مُضطَر دلوں نے |
| سَکینت کے دریا جوابوں میں آئے |
| تَڑپنے پَھڑکنے کی اپنی ہے لذت |
| کہاں ایسی لذت ثوابوں میں آئے |
| یہ کیسے ہے مُمکن خِرد کے غُلامو |
| کہ عشقِ حقیقی نصابوں میں آئے |
معلومات