| ہجر کی شام اور قہری چپ ہے |
| دل پہ مسلط گہری چپ ہے |
| اس کی آنکھیں بول رہی ہیں |
| بزمِ سخن میں ٹھہری چپ ہے |
| سب منہ موڑ کے بیٹھے ہوئے ہیں |
| جانے کیسی زہری چپ ہے |
| میرِ چمن سن بستی بستی |
| نوحہ گر تری بہری چپ ہے |
| بھوکا پیاسا بھٹکے مسافر |
| صحرا، ریت، سنہری چپ ہے |
| دیواروں سے کان لگے ہیں |
| دوسری جانب گہری چپ ہے |
| رات کے گہرے سناٹے میں |
| شور مچاتی اکہری چپ ہے |
| مفلسو کوئی رستہ ڈھونڈو |
| گھات لگائے دہری چپ ہے |
| کیسی خوش حالی ہے سِدْویؔ |
| حدِّ نظر تک شہری چپ ہے |
معلومات