| غزل |
| جو مجھے کبھی بھی نہ مل سکی مجھے اس خوشی کی تلاش ہے |
| میں خود اپنے آپ کو جان لوں اسی آگہی کی تلاش ہے |
| تیری عمر بھر رہی جستجو میں تجھے کبھی بھی نہ پا سکا |
| میں تو ہوں بقید حیات پرمجھے زندگی کی تلاش ہے |
| میں اکیلا خوش ہوں تو کچھ نہیں مجھے ہر کسی کا خیال ہے |
| جو ہو خستہ حال بھی خوش اگر مجھے اس خوشی کی تلاش ہے |
| مجھے کوئی اپنا نہ مل سکا جسے اپنا دوست میں کہہ سکوں |
| میرے دوستوں کی قطار میں مجھے دوستی کی تلاش ہے |
| یہ عجیب بات ہے کرشن جی بھی نہ بچ سکے تھے شباب میں |
| اْسے عاشقی کی تلاش تھی ہ میں بندگی کی تلاش ہے |
| یہ عجیب بات ہے دہر میں کسے کیا ملا کسے کیا ملا |
| تجھے مال و زر کی طلب رہی مجھے شاعری کی تلاش ہے |
| تجھے ڈھونڈتا ہی رہا ہوں میں تری اک جھلک ہی نصیب ہو |
| میں اندھیری شب میں ہوں گم ابھی مجھے روشنی کی تلاش ہے |
| سید ابوبکر مالکی |
معلومات