| وہ اک دن عید عیدوں کا بنانا یا رسول اللہ |
| ہمیں دربارِ اقدس میں بلانا یا رسول اللہ |
| وہ رشکِ عید ہو اک دن سُہانا یا رسول اللہ |
| بلا کر طَیْبہ میں قسمت جگانا یا رسول اللہ |
| مدینے میں ہمارا جب ہو آنا یا رسول اللہ |
| نشانِ پاک قدموں کے دکھانا یا رسول اللہ |
| خدا کی خَلق میں سب سے بڑا ہے آپ کا رتبہ |
| ہمارے دل میں اپنا گھر بسانا یا رسول اللہ |
| قدم سے آپ کے دونوں جہاں حق نے کِئے روشن |
| انہی انوار سے دل کو سجانا یا رسول اللہ |
| مٹانے کے لیے اِس دل کی حسرت یا رسول اللہ |
| ہمیں دیدار کا شربت پلانا یا رسول اللہ |
| تمنّا چشمِ پُر نم کی فقط اتنی سی ہے آقا |
| محبت دم بہ دم دل میں بڑھانا یا رسول اللہ |
| سنا ہے حیثِیَت سے بڑھ کے ملتا ہے مدینے میں |
| عطا ہو رحمتوں کا ہر خزانہ یا رسول اللہ |
| سفر درپیش ہو جب آخرت کا، شافِعِ محشر |
| دَمِ آخر ہمیں جلوہ دکھانا یا رسول اللہ |
| تلاشیں حشر میں جب بہرِ پُرسش سب فرشتے تب |
| ہمیں اس کالی کملی میں چھپانا یا رسول اللہ |
| سنا ہے کہ دعا مقبول ہوتی ہے مدینے میں |
| ذکیؔ کو حشر میں اپنا بتانا یا رسول اللہ |
معلومات