| غمِ ہجر رو رو کے ان کو سناؤں |
| مرا دل یہ چاہے مدینے کو جاؤں |
| مری میرے آقا سے مٹ جائے دوری |
| مرے رب مری یہ دعا کر تو پوری |
| میں جا کر مدینے سے واپس نہ آؤں |
| مجھے اپنے دربار بُلوایئے گا |
| ہو معراج آقا نظر آیئے گا |
| میں دیدار پاتے ہی سانسیں گنواؤں |
| مجھے اَوْلِیَا یہ سبق دے رہے ہیں |
| گِنا جاؤں گا میں بھی اہلِ نظر میں |
| جو پلکوں سے طیبہ کے زرّے اُٹھاؤں |
| قدم میرے سینے پے سرکار رکھ دو |
| سرِ حشر نقشہ یہ دل پر چَھپا ہو |
| عمل کی جگہ نقشِ پا کو دِکھاؤں |
| سفارش مری یا نبی کیجیئے گا |
| معافی بھی حق سے دلا دیجیئے گا |
| میں دربارِ اقدس سے خیرات لاؤں |
| خدایا مجھے اتنا مژدہ عطا ہو |
| مرے عشق کا اتنا ثمرا عطا ہو |
| کھڑا جا کے آڑا وہاں سے میں آؤں |
| شب و روز خادم ذکیؔ یہ پکارے |
| مدینے کے دیکھوں میں جا کے نظارے |
| قرارِ دل و جاں وہیں جا کے پاؤں |
معلومات