| کھلی کلیاں، فضا مہکی، گلوں میں دلکشی آئی |
| تری آمد سے اس ویراں چمن میں تازگی آئی |
| بڑی مدت سے تاریکی تھی چھائی دل کے آنگن میں |
| تری آہٹ سے جیسے لوٹ کر پھر چاندنی آئی |
| بہت مایوس تھا لیکن، میں سچ کہتا ہوں اے ہمدم |
| تری مسکان سے پھر زندگی میں روشنی آئی |
| خزاں کی زد میں گلشن مسکرانا بھول بیٹھا تھا |
| تری خوشبو سے شاخوں پر نئی تازہ کلی آئی |
| کنولؔ مدت سے سویا تھا سخن کا ساز اس دل میں |
| تری ترغیب سے جاگا تخیل، آگہی آئی |
معلومات