.jpeg)
| جب جوش جنوں عقل کی تردید کرے گا |
| تب موسم گل لوٹ کے تجدید کرے گا |
| اٹھے گا یہاں پھر نہ کبھی شور تمنا |
| دل بیچ یہی یاس اب امید کرے گا |
| جو بیچ محبت کے فنا ہوتا ہے اے دل |
| حاصل وہی تو ہستیٔ جاوید کرے گا |
| جس روز کہ پہنچے گی نئی کوئی مصیبت |
| اس روز ترا خوگر غم عید کرے گا |
| رکھتا ہے جبیں در پہ ترے گنبد گرداں |
| سجدہ ترے دروازے پر خورشید کرے گا |
| شاعر جو سمجھا ہے خود اپنے تئیں موجود |
| وہ فہم نہیں معنیٔ توحید کرے گا |
معلومات