| ہاں ہونے نہ دینا تو مجبور مجھ کو |
| یوں دنیا کی خواہش سے رکھ دور مجھ کو |
| یہ ایمان میرا کبھی بک نہ پاٸے |
| اے مولا وہ کر دے عطا نور مجھ کو |
| کبھی کامیابی نہ ایسی ہو حاصل |
| بنا دے ذرا بھی جو مغرور مجھ کو |
| فقیری کو میری یونہی دیکھ آخر |
| سبھی لوگ ہیں کیوں رہے گھور مجھ کو |
| تو کر دے مجھے تیرے اپنوں میں شامل |
| نہ دینا تو کوٸی کبھی حُور مجھ کو |
| شفاعت محمدﷺ کی ہو روزِ محشر |
| تو بیشک غموں سے ہی رکھ چور مجھ کو |
| غلاموں میں آقاﷺ کے میرے اے مولا |
| تو اک بار بس کر لے منظور مجھ کو |
| ہے ڈر التجا ہو یہ تسلیم ساحل |
| عبادت کے آتے نہ دستور مجھ کو |
| عمر احسان ساحل |
معلومات