| پختہ ایمان نہیں، ہاتھ میں قرآن نہیں |
| اس لئے دیش میں محفوظ مسلمان نہیں |
| اک ترے ڈر سے ، میں ایمان کا سودا کرلوں ؟ |
| اتنا سستا بھی اے ظالم مرا ایمان نہیں |
| ہندو مسلم میں کراتاہے جو فتنہ ؤ فساد |
| وہ بشر ہوکے بھی شیطان ہے انسان نہیں |
| ابو ایوبؔ سا اس قوم میں بھی پیدا کر |
| اے خدا قوم کا کوئی بھی نگہبان نہیں |
| اب تو نصرت کے لئے بھیج فرشتوں کو، خدا |
| کون مومن ہے جو بھارت میں پریشان نہیں |
| تم سے پہلے بھی مٹانے ، کئی لوگ آۓ گئے |
| دین اسلام مٹانا کوئی آسان نہیں |
| ظلم پر ظلم بہت تو نے کیا لوگوں پر |
| اور دل تیرا ، کہ تھوڑا بھی پشیمان نہیں |
| یونسؔ ،آندھی میں بھی ، ڈٹ کر میں کھڑا رہتا ہوں |
| وحشتِ راہ سے کبھرانا،مری پہچان نہیں |
معلومات