| وہ چشم ساحری ہے مری بات مانیے |
| واللہ ! شاعری ہے مری بات مانیے |
| وہ جا رہے ہیں وقتِ اجل بس قریب ہے |
| یہ سانس آخری ہے مری بات مانیے |
| لپٹے ہوئے ہیں دال میں کالا ضرور ہے |
| میلان ظاہری ہے مری بات مانیے |
| میں ہوں یا پھر ہیں آپ کوئی تیسرا نہیں |
| جس نے کی مخبری ہے مری بات مانیے |
| پل باندھئے حضور تمنا کے دریا پر |
| ہر موج سرپھری ہے مری بات مانیے |
| انساں کے بعد امن کا گہوارہ عرش ہے |
| شر سے زمیں گھری ہے مری بات مانیے |
| سِدْویؔ قدم قدم سے بڑھانا بھی عشق میں |
| اک طرزِ کافری ہے مری بات مانیے |
معلومات