| یہ سچ ہے اسے لوٹ کے آنا تو نہیں ہے |
| یہ بات بھی سچ ہے کہ منانا تو نہیں ہے |
| چاہا ہے تجھے میں نے دل و جاں سے زیادہ |
| اس پیار کو اب دل سے بھلانا تو نہیں ہے |
| کب تک یہ ترا ظلم غریبوں پہ چلے گا |
| معصوموں کا یہ جیل ٹھکانا تو نہیں ہے |
| وہ شاہ تھا جس نے دی محبت کی نشانی |
| اب تاج محل ہم کو بنانا تو نہیں ہے |
| سچائی کا کوئی بھی خریدار نہیں ہے |
| یہ ایک حقیقت ہے فسانہ تو نہیں ہے |
| سچ بات ہی کرتا ہوں ہر اک موڑ پہ سید |
| مجھ کو بھی پتہ ہے کہ زمانہ تو نہیں ہے |
| سید ابوبکر مالکی |
معلومات