در پہ بُلاؤ خواجہ پیا |
بگڑی بناؤ خواجہ پیا |
رب سے ملاؤ خواجہ پیا |
جلوہ دکھاؤ خواجہ پیا |
عرس میں آئے لاکھوں ولی |
سب سے ملاؤ خواجہ پیا |
غوث و رضا اور آقا ﷺ سے |
بھیک دلاؤ خواجہ پیا |
عشقِ خدا اور آقا ﷺ کی |
شمع جلاؤ خواجہ پیا |
روح مری آسودہ ہوئی |
اس کو جِلاؤ خواجہ پیا |
رب کا عطا ہو قرب مجھے |
وصل دلاؤ خواجہ پیا |
نفس و شیاطیں کے چنگل سے |
اب تو بچاؤ خواجہ پیا |
مجھ کو ملے طابہ کا ٹکٹ |
جلد دلاؤ خواجہ پیا |
راضی رہو تم مجھ سے سدا |
دید کراؤ خواجہ پیا |
نورِ رضا کی ہے یہ دعا |
در پہ بُلاؤ خواجہ پیا |
6 رجب المرجب عرس سلطان الہند رحمۃ اللّٰہ علیہ 1446ھ |
7 جنوری 2025 |
معلومات