| حَسَن کو مُبارک، مُبارک ہماری |
| ہے کندھوں پہ تیرے بڑی ذِمّہ داری |
| کھِلائے گُلِستاں میں گُل پیارے پیارے |
| بَصارت تُمھاری، بصیرت تُمھاری |
| لبوں سے جَھڑیں پھُول نرم اور نازُک |
| ہمیشہ رہے مُسکراہٹ بھی جاری |
| بنیں کاش الفاظ تاثِیر کے تِیر |
| اَثَر جِن کا ہر آن دِل پر ہو طاری |
| جو ناراض ہیں جلد ہُوں گے وہ راضی |
| محبّت کی اُن کو لگے ضربِ کاری |
| بَیاں کر سکے ہر کوئی نُقطہ اپنا |
| ہو دامن میں وُسعَت مِثالی تُمھاری |
| مِلیں برکَتیں تُم کو مُرشِد کی ہر دَم |
| جِنھوں نے ہے زیرکؔ کی قسمت سنواری |
معلومات