| ہر اک فَریبِ نفس کا انکار کیجیے |
| دل کو خدا کی یاد سے سَرشار کیجیے |
| دنیا کی بھیڑ میں کبھی بھولیں نہ آخرت |
| عُقبیٰ کا توشہ آج ہی تیار کیجیے |
| اِن فانی لَذَّتوں کو پَسِ پُشت ڈال کر |
| سجدوں میں گر کے رب سے ہی بس پیار کیجیے |
| خلقِ خدا سے عدل و وفا کرکے آپ بھی |
| جنت کا راستہ ذرا ہموار کیجیے |
| اندھیری قبر میں تو اترنا ضرور ہے |
| مٹی کے اُس مکاں کا بھی دیدار کیجیے |
| مَحشر کی ہول ناکی ذرا سوچ کر کبھی |
| دامن کو اب گناہوں سے بے زار کیجیے |
| کتنی ہے خوفناک جہنم کی آگ وہ |
| اُس کی تپش سے خود کو خبردار کیجیے |
| رازِ نجات مَخفِی مُنَوَّر اِسی میں ہے |
| دل کو نبی ﷺ کے عشق سے بیدار کیجیے |
معلومات